Local School Board ordinance gitinguha sa Mandaue
CEBU, Philippines — Daku gayod ang tinguha ni Mandaue City Mayor Glenn Bercede ang pagpadayon sa kalamboan sa kahimtang sa edukasyon sa kabataang Mandauehanon.
Niadtong miaging adlaw si Mayor Bercede maoy nangulo sa Local School Board meeting uban sa kadagkoan sa Department of Education (DepEd) sa Mandaue City Division.
Atol sa tigum iyang gihangop ang mga bag-ong member sa Local School Board.
Lakip sa gihisgutan sa tigum sa mga sakop sa school board mao mga bayranan nga kuhaon gikan sa ilang special education fund.
Gituki usab ang paghimo og Local School Board Ordinance, ingon man ang lot request sa Cubacub National High School ug uban pa.
Gilantaw sa Local School Board ang mga kaangayan alang sa malambuon ug madasigon nga edukasyon sa kabataan sa Mandaue City.
Mitambong sa meeting si City Councilor Malcolm Sanchez, SK Federation President Gayle Jumao-as, Atty. Lizer Malate, Atty, Miguel Lumapas, mga sakop sa DepEd pinangulohan ni Schools Division Superintendent Dr. Bianito Dagatan.
- Latest
