CEBU, Philippines — Nailhan na sa Mabolo Police Station 4 sa Cebu City Police Office ang mga suspects sa pagpusil patay sa 13-anyos nga batan-ong lalake sa Sitio Lahing-Lahing 2, Barangay Mabolo, siyudad sa Sugbo sa miaging mga adlaw matud pa ni Police Major Romeo Caacot Jr., hepe sa Mabolo Police Station.
Matud pa sa kapolisan, duha ka tawo ang ilaha nang nailhan, ang usa niini ang amo sa biktima nga tigsuplay niya og ibaligyang illegal nga drugas ug ang laing suspek gidudahang usa sab ka menor de edad.
Base sab sa pamahayag sa mga saksi giingong duna pay laing mga kauban ang mga suspetsado nga maoy padayung giila karon. Matud ni Caacoy ang mga suspek mga kauban ra sa biktima nga nalambigit sa ilegal nga drugas.
Giingong nakasala matud pa ang biktima hinungdan nga ilaha kining gipatay. Giandam na sa Mabolo Police Station ang pagpasaka og kasong murder batok sa mga suspek samtang padayon ang hot pursuit operation sa uban pang mamumuno. IBM BANAT NEWS