CEBU, Philippines — Nagmaya ang mga empleyado sa Cebu City Hall kagahapon atol sa flag ceremony human nga gianunsiyo ni Mayor Raymond Alvin Garcia nga sayo-sayo nila nga madawat ang ilang yearend bonus o 14th month lakip na ang ilang P5,000 nga cash gift.
Nimando na si Garcia sa City Treasurer’s Office, Accounting Office ug Budget Office nga ipadali na ang pag-release sa maong mga bonus.
Ang tanang mga departmento gimandoan usab niya nga ipadali ang atiman sa payroll aron masugdan na pagdawat sa mga empleyado ang ilang bonus karong Nobiyembre 1, 2024.
Matud ni Garcia nga sa iyang administrasyon ra makasinati ang mga emplayado nga sayo makadawat sa mga gitinguha nga mga bonus.
Si Garcia nagkanayon nga human nasumiter ang Supplemental Budget 3 sa niaging semana naglaom siya nga dalion usab sa konseho ang pag-arproba sa P300 milyones nga budget aron masugdan na sa unang semana sa Disyembre ang pag-apad-apod sa Christmas bonus.Ang maong kantidad sa SB3 naglakip kini sa first tranche sa mandatory salary increase sa mga emleyado sa gobiyerno, bonus alang sa mga empleyado sa Cebu City Hall (regular, casual, and job-order) ug ang honorarium alang sa mga barangay worker. Mapasalamaton si Garcia sa serbisyo nga gipakita sa mga empleyado. (BANAT NEWS)