Kapin dos mil ka polis gipakatap na
CEBU, Philippines — Gisugdan na sa pagpakatap sa mga sam-ang sa siyudad sa Sugbo ang 2,498 ka mga personnel gikan sa Cebu City Police Office, Bureau of Fire Protection, Cebu City Disaster Risk Reduction and Management Office, Road Management Authority ug uban pa para sa pag-obserbar sa Kalag-Kalag karong Nobiyembre 1 ug 2, 2024.
Apil sab sa ilang bantayan ang mga pantalan, terminal ug ubang dapit nga dugokan og daghang tawo.
Nagkanayon si Police Colonel Antonietto Cañete, City Director sa Cebu City Police Office(CCPO) nakaplastada na ang mga dili pwede dad-on sulod sa mga sam-an sama sa mga mahait nga hinagiban, ilimnong makahubog ug mga dagkong sound system.
Samtang si Harold Alcontin, pangulo sa Cebu City Disaster Risk Reduction and Management Office mihangyo sa katawhan nga mag monitor sa mga advisory nga ipagawas may labot sa dagan sa panahon aron makapangandam.
Kun mahimo mosayo og bisita sa mga sam-ang aron dili modungan sa panagdasok sa mga tawo nga moadto sa mga menteryo sa petsa 1 ug 2.
Giawhag sab niya ang katawhan nga kun modagkot og kandila adto kini ibutang sa luwas nga dapit aron malikayan ang sunog. (BANAT NEWS)
- Latest
