Sud- gawas sa prisohan gipatay
CEBU, Philippines — Patay nang napalgan ang usa ka lalaki nga giingon nga sud-gawas sa prisohan tungod sa nagkalain-laing kaso, didto sa Purok Kawayan, Barangay Jaclupan, Dakbayan sa Talisay kagahapon sa buntag.
Ang biktima mao si Ramesis Gabutan, 27 anyos nga nagpuyo sa nahisgutang lugar. Sa imbistigasyon sa kapolisan, ang mga silingan sa dapit nakadungog og pito ka sipang buto sa armas mga ala una sa kaadlawon.
Gani nakadungog sab sila nga adunay nagsiyagit nga nangayo og panabang. Pagkabuntag niana, didto na nila nakita ang lawas sa biktima nga adunay samad pinusilan.
Nahibaw-an nga ang biktima makaduha ka higayon na kini nga nabilanggo sa kaso sa ilegal nga drugas ug ilegal swertres. Gikaingon nga nalambigit sab sa mga pagpangawat kaniadto. Padayon pa ang kapolisan sa ilang imbestigasyon sa pagpangita sa responsable sa krimen. (BANAT NEWS)
- Latest
