CEBU, Philippines — Padayon ang pagpadala sa Department of Social Welfare and Development Central Visayas og family food packs ngadto sa Luzon alang sa mga biktima sa bagyong Kristine.
Ang maong mga FFP gikan kini sa DSWD Visayas Disaster Resource Center sa Tingub, Dakbayan sa Mandaue.
Gipaningkamotan sa maong buhatan nga makahatud og 140 mil ka mga FFP sa dili pa motapos ang Oktubre 29, 2024.
Kagahapon, ang Philippine Coast Guard nagload og mga FFP sa BRP Teresa Magbanua diha sa Pier 2 sa Cebu Port.
Nasayran nga ang DSWD sukad niadtong Oktubre 23, 2024 nakapadala na og kapin sa 50 mil ka mga FFP nga naglangkub sa bugas, delata, kape ug uban pa. — /BDB (BANAT NEWS)