CEBU, Philippines — Patay ang usa ka food delivery rider human kini napunggit og usa ka pickup diha sa Sitio Bahak, sa Lungsod sa Liloan alas-4 pasado sa kaadlawon niadtong Biyernes.
Ang nakalas mao si Albert Banawa Eyo, 35, nga taga Pitigo, sa lungsod sa Consolacion.
Samtang ang nakabangga kaniya nga nagmaneho sa Toyota Hilux pickup giila lang sa pangalan nga Rico nga taga Calajoan, lungsod sa Minglanilla.
Migawas sa imbestigasyon sa kapolisan giingong nasungag sa maong pickup ang biktima nga maoy hinungdan sa grabeng pagkaangol niini ug nakaingon sa hinanali niining kamatayon.
Kaso nga reckless imprudence resulting in homicide ang ipasaka sa kapolisan batok sa maong drayber. -— /IBM (BANAT NEWS)