CEBU, Philippines — Sulod sa 72 ka oras nga operasyon sa Police Regional Office(PRO)-7 batok sa tanang matang sa kriminalidad nakasakmit sila og binulto nga illegal nga drugas, mga dili rehistradong armas ug nasikoo ang mga malapason sa balaod.
Pinaagi sa pakig-alayon sa ubang law enforcement agencies ang PRO-7 nakasakmit og 1.926 kilograms sa gituohang shabu nga nagkantidad og P8.1 million atol sa ilang 91 ka anti-drug operations gikan sa Oktobre 21 hantod sa23, 2024. Nakasikop sab sila og 99 ka indibidwal nga nalambigit sa illegal nga drugas.
Aron pagtubag problema sa illegal gambling, ang PRO-7 nakadakop og 97 ka mga sugarol ug nasakmit ang dul-an P10,000 nga kwarta.
Miresulta sab ang operasyon sa pagkasikop sa 11 ka tawo ug pag-recover, surrender ug kompiskar sa 18 ka armas nga nakalapas sa Comprehensive Firearms and Ammunition Regulation Act (Republic Act 10591).
Samtang pito ka most wanted persons ug 53 ka other wanted persons ang ilang nadakpan.
Si PRO-7 Regional Director Brigadier General Anthony Aberin mitataw ang dedikasyon sa kapulisan nga batukan ang krimen ug palambuon ang partnership tali sa komunidad miresulta sa maong kalamboan.
"These sustained efforts by police units on the ground are instrumental in reducing crime rate and, ultimately, improving police services aimed at promoting a safer environment for the residents and businesses in Central Visayas", ni Aberin pa. -- IBM BANAT NEWS