Gullas, Chan naapil sa top performing mayor

CEBU, Philippines — Duha ka mayor sa Sugbo ang naapil sa listahan sa top performing mayors lukop nasud

Sila mao si Junard “Ahong” Chan sa Lapu-Lapu City ug Gerard Anthony “Samsam” Gullas sa Talisay City.

Si Chan nakakuha og rating nga 90.15 percent samtang si Gullas adunay 90.07 percent nga rating ug silang duha naapil sa number one.

Kini base sa uwahing survery sa RP-Mission Development (RPMD) Foundation Inc.’s Boses nang Bayan survey.

Ang RP- Mission and Development Foundation Inc. maoy naghimo sa independenti nga survey sulod sa 149 ka mga mayor sa Pilipinas.

Dako ang pasalamat ni Gullas nga naapil sa listahan sa top 20 nga top performing mayor.

Matud pa niya nga dili lang para iyaha ang pasidungog kundi ngadto sa tanan nga empleyado sa City Hall ug sa Talisaynon.

“Sama sa akong giingon, dili ta mahimong magmalampuson kung way suporta og tabang gikan sa atong konseho, headed by Vice Choy Aznar, all our Department Heads, Assistant Department Heads, Section heads, Barangay Officials, SK officials and dedicated employees who work tirelessly to serve every Talisaynon,” tipik sa pamahayag ni Gullas.

Dugang pa niya nga magpadayon ang Aksyon Agad Administration sa pagserbisyo sa Talisaynon.

Samtang si mayor Chan sa iyang bahin nahinangop dihang iyang nakita ang iyang pangan nga naa sa number one.

“Pagkalami sa atong pagmata rong adlawng Sabado kay sa ikaduhang quarter nga evaluation, nagpabilin kitang TOP 1 mayor sa tibuok Pilipinas matod pa sa RPMD, ang usa sa pinakadakong patigayon nga consistent nga nagsukod sa performance sa mga lider sa matag lugar sa tibuok Pilipinas,” suma pa ni Chan sa iyang Facebook post.

Dugang pa ni Chan nga dili kini mahitabo kundili tungod sa ilang teamwork ni Congresswoman Ma. Cynthia "Cindi" King Chan ug sa ilang KAABAG City Councilors nga gipangulohan ni Vice Mayor Celedonio “Celsi” Sitoy lakip na ang mga naghiusang KAABAG Barangay Captains ug mga Department/Office Heads.  MEL BANAT NEWS