CEBU, Philippines — Siyam ka barangay sa Dakbayan sa Carcar ang gideklarar nga drug cleared kini human ang Philippine Drug Enforcement Agency (PDEA) sa Probinsiya sa Sugbo nihatag sa certificate ngadto kang Mayor Patrick Barcenas.
Ang maong mga barangay gilangkuban sa Liburon, Napo, Tuyom, Calidngan, Buenavista, Guadalupe, Valencia, Perrelos ug Can-asujan.
Ang kagamhanan sa Dakbayan sa Carcar mapasigarbohon sa nahimo nga kalamposan sa kabarangayan.
Padayon ang ilang paningkamot nga ang nahaibilin nga barangay madeklara usab nga drug cleared.
Diin gilaoman nga ang padayon nga dedikasyon ug suporta sa mga opisyal makamugna og luwas ug hayag nga kaugmaon sa tanang Carcaranon. (BANAT NEWS)