CEBU, Philippines — Gi-reactivate ang alarm system sa kapolisan sa Dakbayan sa Talisay kini human nga aduna sila’y gipausab sa nag-supply kanila sa maong kahimanan.
Matud ni Police Lieutenant Colonel Epream Paguyod, hepe sa kapolisan sa siyudad nga ang ilang kapolisan nabutangan na kini og mga GPS ug sila sa estasyon nasayod sa ilang mga lihok diha sa gawas pinaagi sa ilang dako nga monitor.
Sa pagkakaron, lima ka establisamento sa siyudad ang adunay alarm system.
Ug kong adunay mga panghitabo sa mga establisamento igo lang kini nga pisliton aron maalarma ang kapolisan aron marespondehan dayon kini. Nagkayon si Paguyod nga bukas sila sa bisan kinsa nga magpataod sa alarm system ug kini ilang ikalipay aron paspas sila nga maalarmahan.
Dugang ni Paguyod nga wala sila mag-limit sa establisamento tungod kay bisan og kabalayan mahimo kining butangan og alarm system. (BANAT NEWS)