Violators sa trapiko nga wala magtagad sa ilang tulobagon kasohan

CEBU, Philippines — Kapin sa 100 ka motorista nga naisyuhan og citation ticket gumikan sa kalapasan sa lagda sa trapiko ang gipadad-an og notisya sa City of Talisay-Traffic Operation Development and Authority (CT-TODA).

Ang unod sa notisya mao ang pagpahinumdom sa motorista sa ilang kalapasan nga nahimo.

Ang maong mga motorista wala ni-settle sa ilang tulobagon o nibisita diha sa buhatan sa CT-TODA.

Ang notisya gihimo pinaagi sa registered mail nga gipadala sa kabalayan sa mga hingtungdan.

Ang nahisgutang mga motorista gihangyo nga husayon nila ang ilang nalapas pinaagi sa pagbisita diha sa buhatan sa CT-TODA.

Ug ang dili maka-settle sa ilang tulobagon pasakaan kini og kaso ngadto sa korte. (BANAT NEWS)