CEBU, Philippines — Ang rice stocks sa nasud nisaka sa 6.8 porsyento ngadto sa 1.66 million metric tons samtang ang corn stocks nikunhod og 22.1 porsyento ngadto sa 625.12 thousand metric tons sa Setiyembre 1, 2024.
Kong itandi sa samang buwan sa niaging tuig nisaka ang rice stocks og 6.8 porsyento o gibana-banang 1.66 million metric tons gikan sa 1.55 million metric tons.
Ang maong mga porsyento sa pagsaka sa gidaghanong pundo sa bugas nagrepresenta kini sa 11.2 porsyento nga month-on-month nga pagkunhod gikan sa niaging bulan nga stock nga 1.87 milyon nga metriko tonelada.
Samtang ang mga deposito sa National Food Authority (NFA) dako’g natampo sa kinatibuk-ang pagsaka sa bulan sa Septiyembre nga adunay 196.7 porsyento nga tinuig nga pag-uswag ug 16.4 porsyento sa komersiyal nga sektor.
Sa laing bahin, adunay tinuig nga pagkunhod nga 23.7 porsyento sa households kong itandi sa buwan sa Agosto ang mga stock sa households nikunhod ngadto sa 17.0 porsyento ug ang sektor sa komersiyo nikunhod ngadto sa 9.8 porsyento bisan pa nga ang mga deposito sa NFA nisaka og gamay ngadto sa 0.3 porsyento.
Sa kinatibuk-ang rice stocks, 63.3 porsyento ang gikan sa komersyal nga sektor, 27.6 porsyento sa households, ug 9.1 porsyento gikan sa NFA depositories.
Samtang ang corn stocks nikunhod ngadto sa 22.1 porsyento o 625.12 thousand metric tons gikan sa 802.57 thousand metric tons sa niaging tuig. Ang month-on-month corn stocks nikunhod usab og 6.2 porsyento gikan sa 666.48 thousand metric tons sa buwan sa Agosto.
Ang household stocks nikunhod sa 47.8 porsyento kompara sa niaging tuig nga adunay 8.6 porsyento nga pagkunhod sukad niadtong buwan sa Agosto samtang ang komersiyal nga sektor nakasinati sa 19.9 porsyento nga tinuig nga pagkunhod ug 6.1 porsyento nga pagkunhod gikan sa niaging bulan.
Nunot niini, adunay 94.7 porsyento sa kinatibuk-ang corn stocks sa buwan sa Septiyembre gikan sa komersiyal nga sektor samtang 5.3 porsyento gikan sa households. BDB BANAT NEWS