CEBU, Philippines — Si Jounald Bautista, assistant operations head sa Cebu City Transportation Office nagkanayon nga nikunhod na ang malapason sa motorcycle lane tungod kay kasagaran sa mga motorista modumdom na sa lane nga angayan nilang subayon.
Base sa datos sa CCTO nga niabot ngadto sa 558 ang citation tickets ang naisyu ngadto sa mga drayber nga nibyahe gawas sa ilang designated lane niadtong buwan sa Abril hangtud Hulyo niining tuiga.
Niadtong buwan sa Agosto niining tuiga nikunhod ang naisyuhan og citation ticket ngadto sa 197.
Padayon usab ang mga traffic enforcer sa pagmando sa dagan sa trapiko sa northbound lane sa Cebu South Coastal Road duol sa viaduct aron masiguro nga mosunod ang motorista sa ilang lane.
Si Corazon “Sonnie” Yrog-irog, head sa CCTO Traffic Education Section nagkanayon nga sa daghang natala nga disgrasya sa CSCR sa wala pa ang motorcycle lane.
Karon nga anaa na kini padayon gihapon ang ilang pahimangno sa mga motorista nga mag-amping ug kanunay nga motuman sa ilang lane tungod kay dako kini og tabang sa pagsulbad sa kahuot sa dagan sa trapiko diha sa CSCR. (BANAT NEWS)