Karsada sa barangay Campo 4 ug Manipis maagian na

CEBU, Philippines — Nahawan na sa mga yuta ug bato ang karsada sa Barangay Campo 4 ug Manipis sa Dakbayan sa Talisay. Kini maoy gibutyag ni konsehal Emma Cabiluna sa Barangay Manipis.

Matud pa niya nga adunay mga hakotonon sa kilid sa karsada nga nahabilin.

Apan ang pagbiyahe o pag agi sa dapit nabalik na kini sa normal. Si Jonathan Tumulak, pangu sa City of Talisay-Traffic Operation Development Authority (CT-TODA) nagkanayon nga bisan paman og nabalik na sa normal di gihapon mokumpyansa sa pag agi sa dapit.

Una niini, ang mga motorista paingon sa Dakbayan sa Toledo o silingan nga lungsod sa Talisay ang natanggong ug dili maka-agi sa lugar human midahili ang yuta ug bato gumikan sa sunod-sunod nga pag uwan.

Duha ka semana gyud ang pagtrabaho aron lang mahawan ang karsada.