CEBU, Philippines — Nakig-alayon na ang Cebu City Police Office(CCPO) sa ubang ahensya sa gobyerno alang sa seguridad nga ipatuman sa pag-obserbar sa kalag-kalag sunod buwan.
Sigon ni Police Lieutenant Colonel Maria Theresa Macatangay, Deputy City Director for Operations ug tigpamaba sa Cebu City Police Office nga ideterminar pa nila kun pila ka police apil na ang mga personnel sa ubang opisina ang ipakatap sa 21 ka mga sam-ang sa siyudad sa Sugbo.
"Mao na ang na identify nato nga cemeteries...Dili siguro monaog sa napulo ang atong mga ma identify nga dagko nga cemeteries", suma ni Macatangay.
Gihimug-atan ni Lt. Col. Macatangay nga dili lang mga sam-ang ang ilang bantayan apil na ang seguridad sa ubang dapit sa siyudad ug duha ka adlaw sa dili pa ang kalihukan ipakatap na ang kapolisan.
Higpit usab nga gidili sa kapolisan sulod sa menteryo mao ang ilimnong makahubog ingon man ang mga hait nga hinagiban. — MEL BANAT NEWS