Mga traffic enforcers gidid-an mo-leave nonot sa Kalag-Kalag

CEBU, Philippines — Gidid-an na nga maka leave ug day-off ang 500 ka mga traffic enforcers alang sa pagtimaan sa kalag-kalag. Kini ang gibutyag ni Cebu City Transportation Office Chief Raquel Arce atol sa meeting nila kauban ang Mayor's Action Force 2024 Kalag-kalag nga gitukod ni Mayor Raymond Alvin Garcia.

Sumala pa ni Arce, karong October 28, 2024 magsugod na nga wala nay leave sa mga traffic enforcers nga dawaton.

Ang mga traffic enforcer maoy ipakatap sa nagkadaiyang sam-ang ilabi na sa pagman sa dagan sa trapiko.

Samtang ang pangu sa DPS John Paul Gelasque nipahibalo nga mopahigayon sila sa pagpanglimpyo sa mga sam-ang ug target nila nga mahuman niini karong October 25, 2024, usa ka semana sa dili pa ang Kalag-Kalag.

Gipaabot usab ang CCPO mopakatap na sa ilang full deployment sa PNP personnels suma pa ni CCPO Director Police Colonel Antonietto Cañete.

Samtang si Mayor Raymond Alvin Garcia mohimo usab sa pagsusi sa mga sam-ang sa dakbayan sugod karong adlaw nga Biyernes. (BANAT NEWS)