Paghunong sa paggamit sa mother tongue giuyonan sa DepEd

CEBU, Philippines — Pabor ang Department of Education Central Visayas sa pagpahunong sa pagamit sa lokal nga pinulongan o Mother Tonque sa pagtudlo ngadto sa primary education.

Matud pa ni DepEd-7 Regional Director Salustiano Jimenez nga para niya usa kini ka welcoming development ilabi na sa rehiyon 7 tungod kay ang Sinugbuanong binisaya adunay 11 ka mga pinulongan.

Gitataw ni Jimenez nga tungod kay adunay lain-lain nga variation sa pinulongan nga bisaya maoy nakapalisod kanila sa paghimo og libro bahin niini.  Bisan mogamit lang sila og usa ka pinulongan nga bisaya sa libro apan dili kini magamit sa lain nga dapit tungod kay aduna usab silay ilang kaugalingon nga pinulongan nga binisaya ug basin lain usab nga pagsabot.

Si Jimenez nipasabot nga ni transition na ang Central Visayas sa pagamit sa English o Filipino nga maoy medium of instruction sa kindergarten ngadto na sa Grade 3 bisan og wala hingpit nga nahimong balaud ang pagpahunong sa paggamit sa mother tongue. (BANAT NEWS)