CEBU, Philippines — Naposasan ang usa ka bayot nga nag-grocery sa usa ka convenience store ug matud pa mibayad og peke nga kwarta diha sa Barangay Tejero, Dakbayan sa Sugbo kagahapon sa buntag, Lunes, Oktubre 15, 2024.
Ang nadakpan mao si Marvin Navarro Pasatiempo, 31, nagpuyo sa Situo Kalubihan, Banawa Paris Hills, Barangay Guadalupe ning siyudad. Mopalit unta matod pa og nagkalain-laing grocery items ang dinakpan apan wala madayon tungod kay nakabantay ang cashier nga peke ang kwarta nga gibayad niini ug dali siyang gipadakop ug gidala sa Waterfront Police Station 3 sa Cebu City Police Office (CCPO.
Nasakmit gikan niya ang laing 16 ka buok tagsa ka libo nga kwarta nga pulos peke.
Si Police Lieutenant Colonel Gerard Ace Pelare nagkanayon nga kinahanglang magmatngon ang tanan batok aning pagkatap og mga pekeng kwarta ilabi na panahon karon a “ber months.”- IBM BANAT NEWS