Binibining Lapu-Lapu 2024

CEBU, Philippines — Pormal na nga gipaila ngadto sa publiko sa Kagamhanan sa Siyudad sa Lapu-Lapu ang 22 ka mga opisyal nga kandida alang sa Binibining Lapu-Lapu 2024.

Mahitabo ang  coronation night karong  Nobyimbre 20, 2024 ug pagahimoon kini  sa Hoopsdome sa Barangay Gun-ob sa maong dakbayan.

Gihimo usab bag-ohay lang ang  sashing ceremony nga gipangulohan nila ni Konsehal Arianne Yap ug Jun Alforque kauban ang Sangguniang Kabataan Federation President Orian Joseph Carungay ug Waterfront Hotel and Casino Food and Beverage Manager Michael Angelo Tablon.

Atol sa  maong kalihokan , gitubag sa mga kandidata ang mga pangutana kalabot sa  nagkadaiyang  butang nga sama sa  mental health awareness, environmental sustainability ug uban pa.

Si Kongresista Cindi King-Chan nga Honorary Chairperson  sa Fiesta Executive Committee 2024, mihulagway sa katalagsaon sa maong indigay sa kaanyag sanglit ang nagrepresentar man ang matag usa kanila sa ilang gigikanang barangay sa dakbayan.

Show comments