Naligo sa dagat nalumos

CEBU, Philippines — Patay na nga napalgan ang usa ka 30-anyos nga lalake nga gituohang nalumos samtang naligo sa dagat diha sa Sitio Cangcua-ay, Barangay Tan-awan, Lungsod sa Oslon, Probinisya sa Sugbo niadtong Domingo sa gabii, Oktubre 13, 2024.

Ang namatay mao si Junjoe Trapa, 30. Sa impormasyon sa Oslob Police Station, dunay nanawag kanila nianang Domingo sa gabii nga nagpahibawo labot sa patay’ng lawas sa tawo nga nakit-an sa maong dapit.

Ang patay’ng lawas gidala na sa mga tawo daplin ug dali nga gidala sa Oslob District Hospital apan gideklarar nga dead-on-arrival.   Nasuta sa imbestigasyon nga sayo anang adlawa nag-uban si Trapa sa iyang kaipon ug kabanay nag-inom ug naligo sa dagat.

Namalik na sa daplin ang uban, apan wala na si Trapa nihaw-as gikan sa dagat hinungdan nga ilaha kining gipangita apan wala gyud kini igkita.

Gabii na dihang napalgan kini sa mga mananagat sa Sitio Cangcua-ay, Barangay Tan-awan, nga naglutaw sa dagat ug wala na magginhawa hinungdan nga gidala nila kini sa baybayon.

Wala’y foul play ug nakita nga ang gikamatyan sa biktima kay nalumos kini. (BANAT NEWS)