Taskforce nga mobantay sa mga flyover gisugyot

CEBU, Philippines — Misugyot ang Cebu City Council ngadto sa Office of the Mayor sa pagmugna og task force nga magtutok sa clearing ug pagsiguro sa kaluwasan sa mga flyover sa dakbayan.

Kini naggumikan sa gisang-at nga resolusyon ni Councilor Rey Gealon Chairman sa Committee on Laws sa City Council nga giaprobahan atol sa regular session niadtong Miyerkules, Oktubre 9, 2024. Sa maong resolution, gibutyag ni Gealon nga atol sa iyang pag inspeksyon sa mga flyover, pipila sa mga espasyo niini delikado alang sa mga motorista ug sa uban nga mogamit niini.

“Additionally, it can choke the roads and create bottlenecks, resulting in traffic congestion,” matud ni Gealon.

Dugang niya, anaa sa labing kakuyaw ang mga naggamit sa espasyo sa ilawom nga bahin sa mga flyover.

Sa laing resolution, mihangyo ang konseho sa Department of Public Works and Highways (DPWH) sa pagpasaka sa mga gutter nga nagsilbi nga "vehicle separator".

Dugang ni Gealon, responsibilidad sa dakbayan nga masigurong luwas ang dagan sa trapiko lakip na ang mga imprastruktura sa kadalanan sama sa flyovers.

Gibutyag ni Gealon, adunay pipila sa mga gutter nga nagsilbing vehicle separators ang dili sakto ang gitas-on og kuyaw makaaksidente sa mga motorista.

“Elevating these gutters will help clearly define lanes, improve traffic flow, and reduce the likelihood of collisions, thereby enhancing road safety for all users,” saysay ni Gealon. (BANAT NEWS)