CEBU, Philippines — Human naprobar ang hinungdan sa kamatayon ni Jerson Enseñales kinsa namatay samtang nagtrabaho sa usa ka proyekto sa Municipal government sa Dalaguete nga gidumala sa private construction hingpit nga gipasaka NBI-7 ang mga kaso ngadto sa mga gireklamo lakip na kang Dalaguete Municipal Mayor Ronald Cesante.
Lakip sa gipasakaan og kaso sa NBI-7 niadtong adlaw nga Huwebes mao sila si Municipal engineer Expedizitas Lenares; Engineer Fernando Armecin; Engineer Ernie Amarado; Junior project engineer Juan Castillo; Presidente sa private contractor nga nag hire ni Enseñales, Peter Paul Dy Jr; Vice President Arthur Dy; Treasurer Sally Lugtu; Secretary Mary Joy Dela Cruz ug Staff member Henry Dy kini base sa dokumento gikan sa NBI-CEVRO .
Ang maong reklamo giduso sa NBI-CEVRO ngadto sa Office of the Ombudsman alang sa kalapasan sa Sec 3 (e) of R.A 3019 Anti-Graft and Corrupt Practices Act; Reckless Imprudence Resulting to Homicide as Penalized under Art 365 in relation to Art 249 of the revised penal code ug Grave Misconduct as penalized under 6713 (Code of Conduct and Ethical Standards of Public Officials and Enployees)(except respondents who are private individuals).
Ang NBI-CEVRO nagpahigayon sa ilang investigation human ang inahan ug igsuon sa biktima niduso sa ilang reklamo niadtong Hunyo 11, 2024 may kalabutan sa kamatayon ni Enseñales.
Atol sa gipahigayon nga imbestigasyon, sumala pa ni Atty. Renan Augustos Oliva, Regional Director sa NBI-CEVRO nasuta nga si Enseñales namatay human kulang sa safety equipment gear sa construction site nga gi operate ug gi supervised sa pribado nga construction and development Corp.
Gitug-an sa NBI-CEVRO ang maong construction site gi operate sa maong mga respondents nga government officials ug employees gamit ang resources sa gobiyerno.
Dugang pa ni Oliva atol sa pagpalawom sa imbestigasyon nasuta nga ang namatay nga biktima usa diay ka Job Order nga trabahante sa munisipyo ug ekipo sa munisipyo ang gigamit sa maong pribadong proyekto. Ang mga gikasohan gihatagan og kahigayonan nga mopasabot sa ilang habig apan wala kini sila mopatim-aw ug nipadala lang sa ilang mga representate. Ang mga gikasohan wala pa usab mopagawas og pamahayag bahin sa maong kaso. - IBM BANAT NEWS