Aberin nibisita sa CCPO ug nipahimangno sa iyang mga sakop

CEBU, Philippines — Si Police Brigadier General Anthony Aberin, direktor sa Police Regional Office-7 nibisita sa Cebu City Police Office kagahapon ug nakighinabi sa iyang mga sakop.

Si Aberin nihatag kini og guidance sa iyang mga sakop diin usa sa gihatagan niya og gibug-aton ang pag-obserba sa basics ilabi na sa police operational procedures diin matud niya nakalimtan na sa kapolisan.

Matud ni Aberin nga mosunod lang sa police operational procedures aron malikayan nga maproblema sa ilang pagpanerbisyo.

"Yan naman ang palagi kong sinasabi, observing the basics we will never go wrong", ni Aberin pa.

Gihimong sanglitanan ni Aberin ang nahitabo sa Dakbayan sa Lapu-Lapu nga nalambigit ang duha ka PNP personnel sa Police Station 4 kinsa gipasanginlan nga nanagmal og criminology student.

Subling gihimug-atan ni Aberin nga dili niya duphan ang sayop nga binuhatan sa iyang mga tawo gani girelibohan dayon sa katungdanan ang duha ka PNP personnel nga nalambigit apil ang ilang hepe.

Nimando usab si Aberin sa kapolisan nga basahon pagbalik ang ilang police operational procedures booklet aron magiyahan. BDB BANAT NEWS