CEBU, Philippines — Mokabat sa P30 milyones ang kantidad sa mga proyektong pang-imprastraktura ang pormal nga gi-turnover sa buhatan ni Kongresista Emmarie "Lollypop" Ouano-Dizon ngadto sa tulo ka barangay sa Siyudad sa Mandaue niadtong Huwebes.
Si Dizon ang nangulo sa turnover ceremony nga gipahigayon diin naglakip kini sa tulo ka multipurpose building nga magamit isip sport centers ug uban pa nga kagamitan sa mga molupyo sa Baraangay Casili, Paknaan ug Looc.
Ang proyekto nga multipurpose building sa Barangay Casili ang nagkantidad og P8 milyones.
Samtang gitukod ang susamang proyekto sa Paknaan National High School diin giugmad usab kini ubos sa phase 1 ug 2 nga ang kinatibuk-ang kantidad nikabat sa P9 milyones. Dugang niini, ang Comprehensive National High School sa Barangay Looc ang beneficiary usab sa multipurpose building nga nagkanidad og P13 milyones.