CEBU, Philippines — Niabot sa 40 ka board passers nga taga Dakbayan sa Talisay ang nakadawat sa ilang cash incentives.
Ang tulo sa mga nakapasar sa pasulit sa nagkalain-laing propesyon nabutang isip top notchers.
Ang nakakuha sa 1st place diha sa plant mechanic exam ang nakadawat og P50 mil.
Sa pasulit sa psychometrician ang nabutang sa 6th place ug 10th place nakadawat og P25 mil ug P5mil.
Ang mga pasulit nga gilangkuban sa mga Talisay mao ang plant mechanic, psychometrician, mechanical engineering, medical technology, LET, social worker, master plumber ug nursing board.
Si Mayor Gerald Anthony “Samsam” Gullas, Jr. maoy nitunol sa pahalipay ngadto sa board passers.
Nasayran nga sa niaging tuig, si Konsehal Eduardo “Digul” Gullas III niduso kini sa ordinansa sa paghatag og cash incentives sa mga Talisaynon nga board passers.
Ilaha kining gipahinungod sa mga Talisaynon nga naningkamot sa nagkalain-lain nila nga gusto nga propesyon. BDB BANAT NEWS