Threat assessment sugdan sa PRO7

CEBU, Philippines — Karong malinawon nga natapos ang filing sa certificates of candidacy sa mga kandidato, ang Police Regional Office-7 magsugod na sa ilang threat assessment sa mga dapit nga posibleng dunay init nga panagribal ang mga nidagang kandidato sa umaabot nga midterm elections sa sunod tuig. Si Police Lieutanant Colonel Gerard Ace Pelare, tigpamaba ni Police Regional Office (PRO)-7 Director Brigadier General Anthony Aberin walay kasamok sila nga natala atol sa filing sa COC sa tibuok rehiyon.

Karon ilaha nang pangandaman ang election period, magsugod na sila og himo og threat assessment sa tanang mga kandidato sa eleksyon sunod tuig.

Apil sa ilang susihon ang election areas of concern, mga initi ang panagribal sa mga kandidato ug uban pa.

“According to record sa previous elections naa na gyud ta daay mga areas sauna nga gitan-aw nga kinahanglan tagaag atensyon pero the setting is already new, circumtances already changed, kinahanglan na pud mag reassessment kay makita man nato sad pag file of COC kinsa tong hotly contested, kinsa tong naay competing parties naa sad toy mga areas nga wala so that will be part of our assessment,” sigon ni Pelare.—  IBM BANAT NEWS