Inflation rate sa Central Visayas nikunhod

CEBU, Philippines — Nikunhod ang inflation rate sa Central Visayas sa bulan sa Septiyembre 2024 tungod sa hinay nga pagsaka sa presyo sa mga palaliton ug serbisyo, base sa datos sa Philippine Statistics Authority (PSA).

Base sa gipagawas nga datos, 2.1 porsyento ang kinatibuk-ang headline inflation karong buwana diin 1.3 porsyento ang pagkunhod niini kung itandi sa buwan sa Agosto nga anaa sa 3.4 porsyento.

Ang mga nag-unang hinungdan sa pagkunhod sa inflation sa bulan sa Septiyembre mao ang hinay nga tinuig nga pagsaka sa presyo sa food and non-alcoholic beverages nga anaa sa 2.0 porsyeto ug restaurants and accomodation services nga 2.1 porsyento.

Samtang, nag-una sa mga dakong natampo sa inflation karong bulana mao ang housing, water, electricity, gas and other fuels nga anaa sa 4.6 porsyento, ikaduha ang food and non-alcoholic beverages nga anaa sa 2.0, ug ulahi ang restaurants and accomodation services nga 2.1 porsyento.

Nagkanayon si PSA-7 Chief Statistical Specialist, Engr. Leopoldo Alfanta, Jr. nga para niya kining pagkunhod, usa ka positibong timaan sa "medyo stable" nga presyo sa palaliton ug serbisyo padulong sa katapusan nga quarter ning tuiga.

Matud niya nga tungod sa pag-us-os sa inflation, dungan sa bag-ong minimum wage sa rehiyun ug pagsaka sa employment rate, mas nitaas ang purchasing power sa mga konsumidor o sa kasagaran mas daghan ang ilang mapalit, labi na sa nagsingabot nga holiday season. — MEL BANAT NEWS