Ahong ug Cindi nag-swap og posisyong daganan
CEBU, Philippines — Ang magtiayong Chan sa dakbayan sa Lapu-Lapu nga sila si Junard "Ahong" Chan ug Ma. Cynthia "Cindi" King Chan, nipakurat sa mga supporters sa Team KAABAG kagahapon human nga ang duhan nagbaylo og gidaganang posisyon alang sa 2025 midterm elections.
Pinaagi sa ilang slate shirts, gipadayag sa duha ang ilang plano diin si Ahong mideklarar sa iyang kandidatura isip kongresista, samtang si Cindi sa pagka mayor.
Ning maong kausaban, gipadayag ni Chan ang iyang tinguha nga magpadayon sa pagserbisyo sa publiko nga mas epektibo, uban sa iyang asawa ug ilang dugay na nga panag-uban isip pundasyon.
Matud niya nga ang ilang kolaborasyon nisangpot sa malampusong pagkahuman sa daghang mga proyekto, ilabi na atol sa iyang ikaduhang termino.
Samtang si Cindi miangkon nga dako kining hagit apan iya kining dawaton kay nagtuo siyang duna siya mahimo para sa siyudad.
Ang running mate ni Cindi mao si reelectionist Vice Mayor Celedonio "Celsi" Sitoy.
Sa Team KAABAG, kulang pa og usa ka kandidato pagkakonsehal, apan ang lineup hangtod karon naglakip sa duha ka party list. (BANAT NEWS)
- Latest
