CEBU, Philippines — Lima ka Duterte ang magpapiling opisyal sa Davao City alang sa May 2025 midterm elections diin gipangulohan kini ni kanhi presidente Rodrigo Duterte kinsa niduso sa iyang certificate of candidacy sa pagka-mayor kagahapon.
Ang iyang anak nga si Mayor Sebastian “Baste” Duterte ang niuban sa kanhi president ngadto sa buhatan sa Commission on Election sa Davao City sa pagduso og COC. Si Omar, ang apo sa kanhi president ug anak ni Davao City 1st District Representative Paolo Duterte ang niduso usab kini sa iyang COC isip kongresista sa ikaduhang distrito sa siyudad.
Kagahapon si Paolo niduso usab kini sa iyang COC aron subling magpapili samtang ang iyang laing anak nga si Rigo niduso kini sa iyang COC isip konsehal sa unang distrito sa niaging semana.
Sa laing bahin, ang detainee nga si Pastor Apollo Quiboloy ang niduso sa iyang COC aron magpapiling senador. Pinaagi sa iyang abogado nga si Atty. Mark Tolentino, si Quiboloy niduso kini sa iyang COC ngadto sa Manila Hotel tent kagahapon.
Si Quiboloy kinsa gipasanginlang sex offender ug human trafficker and mokandidato ubos sa “WPP” party. Si Quiboloy kasamtangan kini natanggong sa Pasig City Jail uban sa akusado nga si Cresente Canada kinsa nag-atubang og non-bailable nga kaso nga human trafficking ug laing akusado kinsa natingkagol sa laing correctional facility for women. Si Quiboloy ang legally nga makaduso gihapon sa iyang kandidatura basin og nadetiner kini.
Ang tigpamaba sa Comelec Rex Laudiangco nipasabot nga ang Comelec’s role sa pagdawat sa COC purely ministerial kini diin iyang gitumbok ang Section 76 sa Omnibus Election Code.