CEBU, Philippines — Patay ang usa ka lineman human kini nakuryentehi dihang aksidente niining nahikapan og live wire sa Barangay Cawayan, Lungsod sa Dalaguete kagahapon sa alas 3:00 sa hapon.
Ang biktima mao si Eric Dupal-ag Capilitan, minyo, 26-anyos ug residente sa Sitio Ilaya, Barangay Poblacion sa maong lungsod.
Base sa taho sa Dalaguete Police Station nga ang biktima naghimo sa iyahang trabaho pinaagi sa pag-ayo sa linya sa kuryente diha sa poste naasoy nga dapit.
Giingong nahikapan sa biktima live electrical wire hinungdan nga nakuryentihan kini ug nagbitay diha sa poste.
Gisuwan pa og rescue ang biktima sa iyang mga kauban ug pinaagi sa tabang sa opisyales sa Barangay Cawayan gidala ang biktima ngdato sa Cardinal Hospital apan gideklarar kining patay na nga naabot sa maong tambalanan. (BANAT NEWS)