Pagpabuto gidili atol sa traslacion ug fluvial procession sa Talisay
CEBU, Philippines — Gidid-an ang katawhan sa pagpabuto atol unya sa traslacion ug fluvial procession sa imahe ni Sta. Teresa de Avila sunod semana subay sa kapistahan sa patron sa Dakbayan sa Talisay. Kini segun sa hangyo sa Philippine Coastguard aron malikayan ang disgrasya atol sa himoon nga kalihukan.
Una niini nagtigum ang mga opisyales sa Talisay alang sa ilang pagpangandam aron mahimong hapsay ug malinawon ang kalihukan sa pista.
Sa Oktubre 13 sa alas 7 sa buntag adunay Santos nga Misa ipahigayon sa Sta. Teresa de Avila Parish.
Mosunod dayon ang traslacion paingon sa parokya sa Birhen sa Consolacion sa Laray.
Sa Oktubre 14 adunay Santos nga Misa nga ipahigayon diha sa parokya sa Birhen sa Consolacion sa Laray dayon ang imahe niini ug ang imahe ni Sta. Teresa de Avila dad-on sa container port aron didto manukad alang sa fluvial procession.
Ang Philippine Coastguard nipahibawo nga dili mahimo nga makauban sa fluvial procession ang nag edad og 10 anyos paubos ingon man ang mga Persons with Disability (PWD). (BANAT NEWS)
- Latest
