Ang bentaha ug disbentaha sa modernong kahimanan sa eleksyon

Kong pagpangampanya na gani ang hisgotan aduna nay kadangpan ang mga dili kwartahan nga gustong magpapili sa umaabot nga eleksyon basta aduna lay cellphone ug daghan usab nga followers sa social media kombati na gyud na gyud kaayo.

Kini ang daw gihimong basehan sa pamahayag sa chairman sa Commission on Elections o COMELEC nga mahimong i-maximize sa mga kabus nga political aspirants ang social media platforms.

Bentaha kadtong mga pobre apan daghan og mga virtual friends kay sa tinuod lang karon mas daghan pa og followers nga mga yanong tawo sa mga adunahan nga mao pa lay pagsugod sa paghangop sa kabag-ohan sa technology.

Bisan unsaon pa nila og boost sa social media dili nila maulog-ulogan ang meta nga ipadaghan dayon ang ilang followers.

Bitaw ang kumbati sa kampanya karon dili naman linawas kon dili sa technology o social media na. Hinuon labaw pa gihapon ang mga adunahan kay daghan man sila og kwarta nga ipanghatag apan dili kakompyasahan kay basin og mabon-an sila sa mga kontra nga walay kwarta.

Tinguha sa Comelec nga mahatagan usab og patas nga kahigayonan kadtong mga kabus nga moduso sa ilang kandidatora.

Apan gikihanglan nga iparehistro nila ang bisan unsa nga social media portal nga gamiton aron mamonitor kini ug ma-regulate usab.

Labaw sa tanan proteksiyon usab sa mga kandidato sa posibleng paggamit og fake account nga gamiton sa pagbirada sa mga kontra.

Limitado ang manpower sa Comelec ug admitido sila nga dili nila mamonitor ang tanan.

Apan magamit kini sa mga tawo nga maagrabyado nga gamitong ebidensya sa ipasaka nga reklamo sa mga moabuso sa socmed platforms, wala gihapoy lusot kadtong mga maghimo og milagro gamit ang modernong pamaagi.

Laing bantayanan karon ang vote buying nga lahi sa naandan kay e-wallet ug online banking naman nga lisod kaayo masakpan. Kong ang mga otoridad ra ba ang pasultihon naa gyuy pamaagi nga masakpan ang mohimo niini, apan dako kaayo kining trabahoon alang kanila. Maglisod man gani sila og sakop sa mga traditional vote buying kani ps kaha ang moderno nga pamaagi pastllan.

Pipilia lang kini sa mga hagit nga angayan nga bantayan og pangitaan og pamaagi nga mapakgang pero sukad kaniadto ma kinaraan man o moderno karon managsama ra gihapon ang pamatasan sa mga politiko ug sa mga tawo nga nawong og kwarta nga maoy basehan sa ilang pagbotar hinungdan nga wala gyuy kausaban ang atong katilingban.