Shimura magpapiling kongresista sa ika-upat nga distrito

CEBU, Philippines — Nilansar pagka-kongresista sa ika-upat nga distrito si incumbent Daanbantayan Mayor Sun Shimura.

Si Shimura niduso sa iyang certificate of candidacy kagahapon ngadto sa Office of the Provincial Election Supervisor (OPES) uban sa iyang asawa nga si Bokal Kerrie Keane Shimura kinsa niduso usab sa iyang COC alang sa pagpasubli sa pagpapili ubos sa ikatulong termino pagka-bokal sa ika-upat nga distrito. Si Mayor Shimura anaa pa sa ikaduhang termino isip mayor sa Daanbantayan.

Sa laing bahin, ang kanhi konsehal sa Dakbayan sa Talisay ug karon konsehal sa Barangay Dumlog ang niduso sa iyang COC diha sa buhatan sa Comelec sa siyudad.  Si Dennis Basillote, 70-anyo,nag-inusara sa pagduso sa iyang COC niadtong Miyerkules sa buntag. Samtang si Minglanilla incumbent Mayor Rajiv Enad uban sa kapartido niini ang hingpit nang niduso sa ilang COC kagahapon.

Si Enad magpasubli kini pagpapil isip mayor sa Lungsod sa Minglanilla uban ang mga kapartido niini ug ang iyang asawa nga si Lheslen Enad kinsa bag-o nga napuno sa lineup sa tanang administration-incumbents lakip usab ni Tulay Barangay Councilor Romulo Laput.

Si Enad gisuportahan sa 19 ka barangay kapitan ug 19 ka Sk Chairman sa 19 ka barangay sa lungsod human kini giisip nga rapid action mayor kinsa nakahuman ug daghang mga proyekto sama sa bag-ong gibuksan nga Minglanilla Sports Oval ug Minglanilla Football Field ug uban pa.  Atol sa pagduso nila sa ilang COC uban sa iyang partido bisan ug ilang color party  blue apan 500 ka sakop sa LGBTQ+ ang nipatim-aw nga nagsul-ob ug pink agi sa ilang special support sa asawa sa mayor.  Ang kompleto nga line-up sa Abante Team sa Minglanilla gilangkuban ni Enad pagka-mayor; Vice Mayor Elanito Peña ug mga aspiring councilors Lheslen  Enad; Oscar de la Calzada, Jr.; Samuel Adlawan, Jr; Jesus Velez; Jenifer Lariosa; Jeremias Cañares; Jaime  Caumeran ug Romulo Laput kinsa maoy igsuon sa last termer nga si Prosie Laput. —Gabriel C. Bonjoc, Rowena D. Capistrano (BANAT NEWS)