CEBU, Philippines — Magsugod karong adlawa, Oktubre 1 ang Opening Salvo sa kapistahan ni Santa Teresa de Avila sa Dakbayan sa Talisay.
Ang City of Talisay-Traffic Operation Development Authority (CT-TODA) nipahinumdom sa mga motorista nga planohon ang ilang biyahe tungod kay adunay mga dalan nga maapektuhan sa kalihukan. Kini gumikan kay adunay ipahigayon nga foot procession sa alas 3 sa hapon.
Adunay grupo nga manukad sa Talisay City Hall nga paingon sa Poblacion ug kini sugaton sa laing grupo nga manukad sa Poblacion.
Pulos paingon sa simbahan sa Sta. Teresa de Avila Parish ang motambong sa foot procession ug isunod dayon ang Thanks Giving Mass sa alas 5 sa hapon.
Ang apektado nga dalan mao ang F. Bas hangtud sa dalan Rizal sa Poblacion ug giawhag ang katawhan nga dunay mga lakaw nga planohon daan ang pagbyahe.
Sa nasayran ang Talisay magsaulog sa kapistahan karong Oktubre 15 ning tuiga. (BANAT NEWS)