Magtiayong Dizon paimbestigahan sa konseho sa Mandaue
CEBU, Philippines — Ang konseho sa Dakbayan sa Mandaue niduso og resolusyon atol sa ilang session aron imbestigahan ang magtiayon nga Kongresista Emmarie "Lolypop" Ouano-Dizon ug Opao Barangay Captain Jojo Dizon human sa pasangil sa broadcaster ug boxing coach Edward Ligas.
Si Ligas nipasangil nga gipanag-iya sa Dakbayan sa Mandaue ang luna nga anaa sa posisyon sa magtiayong Dizon.
Ang maong luna giingong kabahin sa 186 ektaryang reclamation contract sa pribadong developer ug Dakbayan sa Mandaue
Ug ang maong pasangil giduso ni Ligas ngadto sa buhatan sa Ombudsman Visayas.
Si Konsehal Cynthia Remedio kinsa nanginahan sa resolusyon uban sa mga co-proponents nagkanayon nga gusto niining masayran ang kamatuoran kabahin sa maong reklamo.
Matud ni Remedio nga ang resolusyon ilang ipadangat ngadto sa Committee on Laws aron mohimo og imbestigasyon sa pagsusi sa maong pasangil batok sa magtiayong Dizon.
Apan ang magtiayong Dizon nipadayag usab nga sila ang nanag-iya sa maong luna ug namulong nga basta hapit na ang election manggawas na ang mga ingon niini nga estorya. (BANAT NEWS)
- Latest
