CEBU, Philippines — Giila ang mantalaan nga Banat News isip mananaog sa News Writing sa Cebuano Category atol sa awarding ceremony sa labing unang Cebu Metropolitan Catholic Mass Media Awards (CMCMMA) sa SM Seaside, kagahapon sa hapon, Domingo.
Naila ang Banat News pinaagi sa entries sa usa sa correspondent niini nga si Rowena Capistrano. Midawat si Capistrano sa award kagahapon nga personal nga gitunol ni Bishop Marcelino Maralit sa San Pablo Diocese ug Msgr. Agustin Ancajas, Commission on Social Communications (CACoSCo).
Giila sab si Attorney Ruphil Bañoc, Columnist sa The Freeman isip mananaog sa Column Writing Category.
Sa pakighinabi mapasalamaton si Capistrano sa maong award human sa pagpilj sa iyang mga sinuwat sa Banat News. Nagpasalamat sab si Capistrano sa iyang pamilya ug sa iyang kahigalaan.
“Sa tanan mga nisalig ug padayon nagbasa sa pamantalaan nga Banat News ug nagpaminaw sa DyRF1215 salamat kaninyong tanan ug padayon gihapon nga mohatud sa mga balita,” dugang pa niya.
Ang CAMMA nag-ila sa mga media practitioners ug organizations nga nag promote og “Human and Christian Values.”
Ang mga sinuwat nga namantala migawas gikan sa Hunyo 1, 2022 hangtod Hunyo 30, 2024.
Ang CM-CMMA usa ka kalihokan nga nag-ila sa mga bililhong kontribusyon sa media practitioners gikan sa Sugbo, ug sa mga dioceses niini: Dumaguete, Tagbilaran, Talibon, ug Maasin.
Nitambong sa maong kalihukan sila si Cebu Archbishop Jose S. Palma, Bishop Marcelino Antonio “Junie” M. Maralit, Jr.(Chair of the CBCP Episcopal Commission on Social Communications), Rev. Msgr. Agustin “Ting” Ancajas (Chairman, CACoSCo), Rev. Fr. Ramonito P. Maata (Chair, Commission on Social Communication, Diocese of Dumaguete), uban sa nagkadaiyang local media personalities, social communicators sa mga parokya sa Sugbo, ug mga sakop sa akademya nga nagsilbing hurado. — /IBM (BANAT NEWS)