P9 milyon ang danyos sa sunog sa Paknaan

CEBU, Philippines — Nagbilin og P9 milyones nga danyos ang niulbong sunog sa Barangay Paknaan sa Dakbayan sa Mandaue  niadtong Biyernes sa kaadlawon.

Ang maong sunog nahitabo sa may Zone Paliya, Barangay Paknaan nga giingong naglambigit sa T-Mobeli Kitchens and Closets Inc. Ang sunog nadawat sa kabomberohan alas 2:08 sa kaadlawon ug hingpit nga napawong alas 5:20 na.

Walay gikataho nga nakalas o naangol atol sa pag-ulbo sa maong sunog. Ang kabomberohan sa Dakbayan sa Mandaue padayon pa nihimo sa ilang imbestigasyon may kalabutan sa hinungdan sa pag-ulbo sa sunog.

Ang kahagip-ot sa maong dapit maoy usa sa mga nakapalisod sa kabomberohan lakip ang mga naa sa sulod sa warehouse. --  IBM BANAT NEWS