CEBU, Philippines — Gidakop ang 62-anyos nga amahan human giingong gihasi niini ang iyang menor de edad nga anak diha sa ilang panimay sa Barangay Dumlog, Dakbayan sa Talisay niadtong Martes sa gabii.
Ang biktima usa ka tinun-an sa grade 10 samtang ang suspetsado usa ka drayber sa e-bike.
Nasayran nga gikan sa tunghaan ang biktima ug nipahuway na kini sa ilang balay.
Naabot ang suspetsado ug nangayo kini og P5 ngadto sa biktima aron iyang ihagbong sa wifi.
Ang biktima nagdumil kini sa paghatag og P5 hinungdan nga nasuko ang suspetsado.
Giingong nanghulga ang suspetsado nga ipuspos niini ang cellphone sa biktima ug dayong punit og tubo.
Maayong nalang kay anaa ang maguwang sa biktima nga nibabag sa ilang amahan ug nangayo sila og tabang sa mga barangay tanod ug gidakop ang suspetsado.
Nasayran usab nga hubog ang suspetsado dihang nanghasi kini.
Giingong ang suspetsado kanunay’ng mouli sa ilang balay nga hubog.
Ang suspetsado gikatakda kining pasakaan og tukmang kaso sa nahimo niining kalapasan. — BDB BANAT NEWS