Alcover mikwestyon sa pagtambong ni Osmeña SA hearing

CEBU, Philippines — Gikuwestiyon ni Cebu City Councilor Pastor “Jun” Alcover ang “moral ascendancy” ni Kanhi Mayor Tomas Osmeña sa iyang pagtambong isip resource speaker sa quad committee hearing sa House of Representatives.

Si Osme?a giimbitar pag-usab sa padayon nga imbestigasyon sa extrajudicial killings sa nasud karong Biyernes. Si Alcover, usa ka self-claimed advocate batok sa EJK, niingon nga naalarma siya sa “timing” sa imbitasyon.

Atol sa press conference kagahapon (Miyerkules) si Alcover niingon nga dunay posibilidad nga ang imbitasyon ni Osme?a gamiton lang isip plataporma para matukod ang iya political intent sa pagdagan para sa eleksyon sa 2025.

"Pero ang point ana is, consistent ba siya? Duna ba syay moral ascendancy to speak about EJK when in fact, sa atong record will show, nga wala syay moral ascendancy kay, sa iyang panahon, naa nay EJK," matud ni Alcover.

Dugang pa niya nga sa paglingkod niya sa konseho sa dakbayan niadtong 2016, nihatag siya og privilege speech kalabot sa EJK sa dakbayan sa Sugbo diin niduso usab siya og resolusyon sa pagmugna og committee nga mohimo og fact-finding investigation sa illegal drug-related killings.  Niadtong Agosto 21, 2018, dihang si Osme?a pa ang mayor, si Alcover niingon nga adunay pronouncement si Osme?a nga padayon siyang mohatag og reward nga P50,000 niadtong “makapatay og ninja cops”.

Ang "Ninja cops" maoy termino nga gigamit sa mga pulis nga nalambigit sa pag-recycle ug pagbaligya sa ilegal nga drugas nga ilang nasakmit atol sa mga operasyon.

Matod ni Alcover nga sa imbitasyon ni Osme?a, ang kongreso mamahimo nga "inconsistent" sa pag imbitar kang Osme?a nga matod niya dunay mga rekord sa EJK.

Sa dugang detalye, ilabina sa iyang personal nga recollection, si Alcover miingon nga si Osme?a, sa panahon sa iyang katungdanan, nag-organisa og "hunters team" nga gilangkuban sa "elite cops" ug sharpshooters nga giingong gipangulohan sa usa ka SPO1 Adonis Dumpit. Si Dumpit gipatay sa hiniusang operatiba sa National Bureau of Investigation sa Bohol ug Regional Intelligence Division sa Police Regional Office-7 atol sa usa ka drug interdiction operation niadtong Hunyo 26, 2018.

Dihang gkuhaan og reaksyon si Osmeña nitug-an sa mga tigbalita pinaagi sa text message nga gitawag siya ni Alcover og “public enemy number 1” usa ka higayon ug mipasangil pa nga siya usa ka “komunista”.

“He just trying to get public attention or he will field his bullies declaring "way kulba", matod ni Osmeña. —  MEL BANAT NEWS