Gitigbas sa silingang nagmaoy

CEBU, Philippines — Naangol ang usa ka ulitawo human kini gitigbas sa silingang nagmaoy tungod nakainom nga silingan sa Purok B4, Barangay Balirong, dakbayan sa Naga, Domingo sa gabii, Septiyembre 22, 2024.

Ang biktima mao si Rey David Aldava, 21, residente sa naasoy nga lugar samtang ang suspek mao si Danilo Caballero Bascon, 26, nagpuyo ra sab sa dapit.

Sa report sa Naga City Police Station ang suspetsado gidakop human kini gitugyan sa mga Barangay Tanod sa maong dapit.

Nigawas sa imbestigasyon nga samtang ang biktima nag-inom sa balay sa iyahang higala,kalit lang niabot ang suspek nga nagbitbit na og bolo ug nanghagit og sumbagay.

Dihang ang biktima ug mga higala misuway sa pagdisarma niini, kalit niining gitigbas ang biktima. Giingong nagmaoy ang suspek human kini  nakainom. (BANAT NEWS)