2 suspek sa pagpusil patay sa usa ka babaye gikasohan na
CEBU, Philippines — Gipasakaan na og kasong murder ang duha ka suspetsado sa pagpusil patay sa 40-anyos nga babaye didto sa sitio Kasagingan, Barangay Guadalupe, siyudad sa Sugbo.
Ang biktima nga si Baby Lyn Baclayon Gabutan usa ka kanhi OFW, residente sa naasoy nga lugar ug giulo sa pagpusil.
Sila si alyas Ace, 28 anyos, taga sitio Manga ug alyas Rolly, 27 anyos, taga Sitio Kadasig Phase 1 pulos sakop sa Barangay Tisa maoy gikiha og kasong murder.
Suma ni Major Miles Damoslog, hepe sa Guadalupe Police Station 9 sa Cebu City Police Office nga konkreto ang ilang ebidensya ug impormasyon ug padayon ang ilang pag build up sa ubang detalye.
"Concrete naman ang mga evidences at informations para mafile natin. Other informations ongoing p build up", sigon ni Major Damoslog.
Sa nasayran nailhan ang mga suspek pinaagi sa CCTV footages ug witness diin kalambigitan sa illegal nga drugas ang posibleng motibo sa krimen. (BANAT NEWS)
- Latest
