CEBU, Philippines — Motabang ang Police Regional Office (PRO)-7 sa pagpangita sa tanan nga pinangita sa balaod.
Kini maoy gibutyag ni Police Lieutenant Colonel Gerard Ace Pelare, tigpamaba sa PRO-7.
Ang maong pamahayag sa PRO-7 subay sa pagpagawas sa House of Representatives og arrest order batok kang kanhi presidential spokesperson Harry Roque.
Gikataho nga si Roque gi-contempt ug gimandoan nga ma-detained sa upat ka House Committee tungod kay nagdumili kini sa pagsumiter og dokumento nga mag-justify sa iyang increased wealth. Ang QuadCom nagpahigayon og imbestigasyon sa krimen nga naglambigit sa Philippine Offshore Gaming Operators (POGO).
Ang Philippine National Police (PNP) niapil na sa pagpangita kang Roque.
"The whole PNP, including PRO-7, is tasked to implement warrants issued by proper authorities. Ang atong pwersa sa kapolisan sa Region 7 motabang sa pagpangita sa tanan nga pinangita sa balaod", padayag ni Pelare. (BANAT NEWS)