CEBU, Philippines — Usa nalang ang kuwang sa line-up sa Alayon sa Dakbayan sa Talisay alang sa magpapili sa sunog tuig nga piniliay.
Nahibaw-an nga tulo ka incumbent nga konsehal sa Alayon ang motapos na sa ilang termino. Sila mao si konsehal Rodi Cabigas, Maning Cabriana ug Gail Restauro.
Si Talisay City mayor Gerald Anthony “Samsam” Gullas magpapili pagbalik pagkamayor samtang ang iyang bise mayor mao gihapon si bise mayor Richard Francis “Choy” Aznar.
Ang line-up nga konsehal sa Alayon mao sila si konsehal Eduardo “Digul” Gullas III, Lester Daan, Fe Ylanan, Danny Caballero, Lito Bacaltos, Rocky Bas, Ferdie Rabaya.
Mobalik si kanhi konsehal Socrates Fernandez sa line-up sa konsehal ug ang anak ni Cabigas nga si Chic-Chic mao ang ika siyam.
Si Gullas nagkanayon nga ila pang gipinalisar ang mokompleto sa line-up sa Alayon.
Suma sa usa ka kasaligan nga tinubdan sa BanatNews nga ang kanhi bise mayor sa Talisay ang andam nga moalagad pagbalik sa landong sa Alayon.
Ang Alayon sa unang distrito gidumala ni mayor Gullas. Ang pagduso sa sertipiko de kanditadura magsugod sa Oktubre 1 hangtud sa Oktubre 8 ning tuiga. (BANAT NEWS)