Umento sa abang sa mga stalls sa merkado sa Mandaue gisugyot

CEBU, Philippines — Gisugyot karon sa Mandaue City Market Authority nga umentohan ang abang sa mga stall diha sa Mandaue City Public Market. Sa pagkakaron ang abang sa mga stall sa merkado mikabat lang sa singkwenta ngadto sa nubenta pesos og magdepende kini sa location.

Suma pa sa usa ka opisyal sa Mandaue technical working group nga magtigum pa sila ug kinahanglan pa kini nila nga ipinalisar una iduso ngadto sa konseho alang sa pag aprobar niini.  

Nasayran dul-an sa usa ka libo ka stalls ang nahimutang diha sa merkado sa siyudad sa Mandaue. Kining maong sugyot nga pagpa umento sa abangan sa mga stalls gitumong aron mapatuman ang bag-ong market code nga kataposan nga naamendar niadto pang tuig 2019.  MEL BANAT NEWS