CEBU, Philippines — Nagkadaiyang ahensya sa gobyerno ang mag-apud apod og tabang pinansyal sa mga benepesaryo sa mga programa niini atol sa ipahigayon nga “Handog ng Pangulo: Serbisyong Sapat Para sa Lahat” nga kalihokan karong adlawa.
Ang maong programa, usa ka kalihokan nga dungan nga himoon lukop nasud diin si Presidente Ferdinand “Bongbong” Marcos Jr., maoy mangulo niini didto sa Gimba, Nueva Ecija samtang sa Sugbo ang kalihokan ipahigayon sa Capitol Grounds.
Nagkadaiyang ahensya sama sa Department of Information and Communication Technology, Department of the Interior and Local Government, Department of Tourism National Food Authority, Department of Agriculture, Department of Social Welfare and Development, Department of Labor and Employment, Department of Information and Communication Technology , Department of the Interior and Local Government, Department of Tourism, National Food Authority , Department of Agriculture, Department of Social Welfare and Development ug Department of Labor and Employment ang mohatag sa nagkadaiyang tabang ngadto sa ilang giila nga benefeciaries.
Ang DA mohatag og makina sa panguma; ang TESDA moapud-apod og allowance sa mga skolar niini; samtag ang DOLE mopahigayon og orientation ug profiling sa mga enrollees niini ug ang DTI mohatag og suporta sa mga gagmayng negosyo pinaagi sa Kadiwa ng Pangulo.
Sa bahin sa Probinsya sa Sugbo ang Provincial Health Office, Provincial Agriculture’s Office, Provincial Assessors Office, Provincial Legal Office ug Provincial Veterinary Office maoy mga buhatan nga mohatag usab sa ilang serbisyo karong adlawa diha sa Capitol Grounds. (BANAT NEWS)