PSA: Inflation rate sa Central Visayas nikunhod
CEBU, Philippines — Nikunhod ang inflation rate sa Central Visayas ngadto sa 3.4 porsyento sa bulan sa Agosto karong tuiga base sa pinakaulahing datos nga gipagawas sa Philippine Statistics Authority (PSA).
Base sa maong datos, 1.1 porsyento ang pagkunhod niini itandi sa buwan sa Hulyo nga inflation rate nga anaa sa 4.5 porsyento.
Gikan sa buwang sa Enero hangtud sa Agosto 2024 ang average sa inflation rate sa rehiyon-7 anaa sa 3.6 porsyento.
Base sa taho sa PSA nga ang nag-unang hinunngdan sa pagkunhod sa inflation sa bulan sa Agosto mao ang food and non-alcoholic beverages ug transportasyon.
Samtang, ang mga dakong natampo sa inflation sa bulan sa Agosto mao ang food and non-alcoholic beverages nga anaa sa 5.8 porysento; housing, water, electricity, gas and other fuels nga anaa sa 3.5 porsyento ug ikatulo ang mga restaurant ug accommodation services nga anaa sa 3.7 porsyento.
Samtang ang top 5 nga contributors sa inflation sa bulan Agosto mao ang bugas, abangan, mais, restaurants, karne ug uban pa. Ang inflation mao ang rate sa pagsaka sa presyo sa mga palaliton sulod sa usa ka period. (BANAT NEWS)
- Latest
