Babaye nakuhaag P1M shabu
CEBU, Philippines — Nadakpan ang usa ka 32 anyos nga babaye atol sa buy bust operation didto sa Purok Guyabano, Barangay San Roque, Dakbayan sa Talisay niadtong miaging adlaw.
Ang dinakpan taga sitio Sawsawan sa nahisgutang barangay gikonsiderar nga Regional Priority Target gumikan sa dinagko niya nga transaksyon sa ilegal nga drugas.
Ang mga sakop sa Drug Enforcement Unit (DEU) nihimo sa operasyon human sa pagkagat sa dinakpan sa transaksyon sa poseur buyer.
Si Police Lt. Col. Epream Paguyod, hepe sa kapolisan sa Talisay, bag-o lang sa ilegal nga kalihukan ang dinakpan apan dinagko ang iyang mabaligyang shabu.
Nakuhaan gikan sa dinakpan ang 150 gramos nga gituohang shabu nga gibana-banang balor nga P1,020,000 ka pesos. Dugang pa ni Paguyod nga padayon ang ilang pagmonitor sa mga kauban sa dinakpan. (BANAT NEWS)
- Latest
