Barangay Guizo gibawian sa ilang duha ka garbage truck

CEBU, Philippines — x

Si Guizo Barangay kapitan Jesus Neri Sr. dihang nahinabi sa mga tigbalita miingon nga ang pagkuha sa ilang garbage dunay bulok pamolitika.

Klaro kaayo nga pamulitika ni ilang gibuhat. Politically motivated gyud ni,” suma ni Neri.

Giangkon sa kapitan nga makuha nila ang mga basura apan dili diha diha dayon tungod kay ang usa lang ka truck ang magamit.

Dugang pa ni Neri nga dili lang kini ang unang higayon nga giinitan siya sa Cortes administration tungod kay niadtong tuig 2023, si suspended Mayor Jonas Cortes mitangtang usab sa tanang 30 ka job order employees sa ilang barangay apil na ang mga clean and green workers. (BANAT NEWS)

Giingon nga nakalapas ang Barangay Guizo sa gipatuman nga lokal nga ordinansa alang sa proper waste management gumikan kay nagpadayon pa gihapon kini sa ilang paglabay ngadto sa wala itugot nga labayanan sa wala mabahig nga malata ug dili malata nga mga basura.

Nasayran gimando sa kagamhanan sa siyudad sa Mandaue niadtong Huwebes Septiyembre 5, 2024 sa pag-recall sa garbage truck base usab sa rekomendasyon sa Mandaue Environment and Natural Resources Office.

Si Karla Victoria Cortes, ang acting head sa city Public Information Office miingon nga ang city government nakadesisyon nga maoy motake over sa pagkuha sa mga basura sa barangay.

Sa nasayran ang Barangay Guizo naisyuhan og multiple citations ug ang labing bag-o niini nahitabo niadtong April 3, 2024 gumikan usab sa kapakyas sa pagtuman sa ordinansa nga paglabay sa pasura sa designated lamang nga mga areas.

Gipamulta kini og P5,000 apan hangtod karong panahona wala gihapon kini ma-settle nga maoy hinungdan gipadad-an na kini og final notice nga nagdemanda sa pagbayad sa gipahamtang nga multa.

Sa natala sa buhatan sa Cenro ang Barangay Guizo maoy labing daghan og kalapasan sa gipatuman nga lokal nga ordinansa alang sa tukmang paghipos sa mga basura.