CEBU, Philippines — Napusilan ang usa ka 50-anyos nga lalake human kini nagmaoy sa kahubog ug nanunggab og usa ka police nga niresponde dihang gialarmahan kay mosulod og mga balay diha sa Flores Compound, E.V. Abellana Street, Barangay San Nicolas Proper, Siyudad sa Sugbo niadtong Biyernes sa alas 8 sa gabii.
Ang suspek mao si Alfredo Flores Merenillo, residente sa maong dapit.
Sa impormasyon sa Sawang Calero Police Station 6 nga ang suspetsado namugos nga mosulod sa apartment sa biktima nga si Rodelito Aberion Serencio, 34 anyos ug residente ra sab sa naasoy nga lugar.
Ang silingan sa biktima nga si Jolina Castro mireport sa insidente ug nangayo og pakitabang sa mga Beat Patrollers sa Cebu City Mobile Force Company (CMFC) nga sila si Patrolman Mark Sinag ug Patrolman Psalm Gornes nga naka duty sa may N. Bacalso ug dali nga girespondehan.
Gisuwayan og dakop ang suspect apan kalit lang kini midunggab kang Patrolman Sinag gamit ang ice pick, niatras si Patrolman Sinag apan ang suspect giingong nisuway na sab og dunggan balik niya maong napugos ang kapolisan pagpusil sa suspek ug naigo sa tuo nga bukton ug lower right abdomen.
Daling gitabang ang suspect ug gidala sa tambalanan.
"Base sa iya mga silingan basta kuno mahubog to siya magmaoy na siya dira sa ilang lugar, nawawala daw sya sa isip nya, palagi din yan siya naalarmahan dyan sa lugar na yan kay palagi din lasing”. suma pa ni Police Captain Jay-R Papong, Hepe sa Sawang Calero Police Station 6.
Kasong alarm and scandal ug attempted homicide ang ipasaka batok sa suspetsado. (BANAT NEWS)